संघियका सचिव माथी आक्रमण प्रयास

भोजपुर—संघिय समाजवादी पार्टी नेपालका सचिव माथी नेकपा एमालेका कार्यकर्ताले गरेको घेरावन्दी अराजक शैली को पराकाष्ट भएको संघिय समाजवादी पार्टी भोजपुरले जनाएको छ ।  बुधवार  पत्रकार सम्मेलन गरि पार्टीले ४० ५० जनाको समुहले उछृङखल र गुण्डागर्दि शैलीमा सांङघातिक आक्रमण गर्ने प्रयास गरिनु जितको उन्माद रहेको वताएको छ ।

 सोमवार राति ८.३० वजे संङघीय समाजवादी पार्टी भोजपुरका जिल्ला सचिव तथा भर्खरै सम्पन्न संविधानसभा सदस्यको निर्वाचन ०७० मा भोजपुर क्षेत्र नं २ का उम्मेदवार आसकुमार राई को भोजपुर डाडागाउमा रहेको डेरामा आक्रमणको प्रयास गरिएको थियो । भोजपुरको दक्षिणी गाविस रानिवास को लुङिगणमा आफ्ना कार्यकर्ताहरु टिकाराम राई र राजकुमार राई माथी संघियका कार्यकर्ताहरुले हातपात गर्ने आदेश दिएको भन्दै एमालेका जिल्ला सदस्य मक्कर खड्काको टोलीले आक्रमणको प्रयास गरेको संघियले वताएको छ । 
 नेकपा एमालेको यस्तो अराजनैतिक घटना प्रति जिल्ला नेतृत्वले माफी नमागे जस्तोसुकै चुनौति मोल्न तयार रहेको संघिय समाजवादी पार्टी का केन्द्रिय सदस्य तथा भोजपुर ईन्चार्ज रामसिहं राईले वताउनुभयो । आफुलाई हात्ति र संघिय समाजवादी पार्टी लाई मुसा सम्झिएर अराजक शैली अपनाएको एमालेले आफुलाई नसच्याय त्यस्तै रुपमा प्रस्तुत हुन तयार रहेको राईले वताउनुभयो । 
 यता नेकपा एमालेले भने आक्रमणको प्रयास केहि नभएको आफ्ना कार्यकर्ता माथी भएको कुटपिट वारे वुझ्न गएको वताएको छ ।  नेकपा एमालेका कार्यकर्तामाथी भएको हातपात प्रति संघिय सच्चिनु पर्ने वताउनुहुदै यदि यस्तो व्यवहार देखाए जस्तोसुकै चुनौति मोल्न पनि एमाले तयार रहेको एमाले भोजपुर जिल्ला सचिव शरणकुमार राईले वताउनुभयो ।