पत्रकार महासंघलाई सहयोग

भोजपुर, पुस १९
नेपाल पत्रकार महासंघ भोजपुर शाखामा अक्षयकोष स्थापनाका लागि विदेशमा रहेका एक युवाले एक लाख नगद सहयोग गरेका छन् । वैदेशिक रोजगारीको क्रममा दक्षिण कोरियामा रहेका भोजपुर दलगाउँ—६ सँहेलेका उपेन्द्र श्रेष्ठले एक लाख सहयोग गरेका हुन् । उनले बैंक मार्फत रकम पठाएका हुन् । श्रेष्ठ यसअघि पत्रकार महासंघ भोजपुर शाखाका साधारण सदस्य समेत हुन् । महासंघले चाँडै नै अक्षय कोष स्थापना गर्ने जनाएको छ । उक्त रकमको ब्याजबाट जिल्लामा कार्यरत सक्रिय एक जना पत्रकारलाई प्रत्येक बर्ष सम्मानित गर्ने महासंघ भोजपुर शाखाले जनाएको छ ।